2011 Irma Joubert

Bloemfontein gasheer van BSV-Skryfwedstrydwenners 2011 vanoor die hele land (en wêreld)

Van die wenners van die Bloemfonteinse Skrywersvereniging (BSV) se jaarlikse nasionale skryfwedstryd geborg deur die Fakulteit Geesteswetenskappe van die Universiteit van die Vrystaat, het die BSV-Slypskool 2011 met skrywer, mev. Irma Joubert as deel van hul pryse gratis bygewoon. Voor, van links na regs: Mej. Corlietha Swart (Voorsitter: Bloemfonteinse Skrywersvereniging), mej. Marita Viljoen (Hoërskool D.F. Malan, Bellville), mev. Irma Joubert (BSV-Slypskoolaanbieder 2011), mev. Ronelle Ceronio (Bloemfontein), mev. Santie van der Merwe (Wierdapark), mev. Marthie Mans (Bloemfontein), mnr. Hannes Visser (George), mnr. Gert Christiaan Cruywagen (Centurion). Agter (van links na regs): Prof. Lucius Botes (dekaan: Fakulteit Geesteswetenskappe, Universiteit van die Vrystaat – borg van die skryfwedstryd), mnr. Winston Ash (Mondeor), mev. Elize Zeeman-Olivier (s’Gravenzande, Nederland), mev. Meisie Smits Theron, namens haar dogter, mej. Hilda A. Smits, (Londen, Engeland), mnr. Nic Viljoen (Jeffreysbaai) en dr. Evert Louw (Oatlands).

Fotograaf: Lize du Plessis

Nederlandse BSV-Skryfwedstrydwenner reis kontinente ver om haar prys te ontvang

Mev. Elize Zeeman-Olivier het in 2009 die eerste keer deelgeneem in die nasionale (deesdae ook internasionale) BSV-Skryfwedstryd se afdeling B (skrywers wat nog nie voorheen teen vergoeding gepubliseer het nie). Toe het sy die derde prys verower. In 2010 is sy eervol vermeld, maar het in 2011 die bordjies verhang en was sy die waardige eerstepryswenner van afdeling B. Alhoewel die kinders in Suid-Afrika heel moontlik ook ‘n trekpleister was, is dit verbasend om te dink dat sy letterlik kontinente ver gereis het om haar prys in ontvangs te neem en die jaarlikse BSV-Slypskool vir ontluikende skrywers vanjaar onder leiding van die Bloemfonteinse skrywer, mev. Irma Joubert, by te woon. Twee van Joubert se boeke, “Ver wink die Suiderkruis” en “Tussen stasies” is reeds in Nederlands vertaal en ‘n derde roman, “Pérsomi, kind van die brakrant”, word tans in Nederlands vertaal.

Hier word die Nederlandse vertalings van die Nederlandse boeke vasgehou deur mej. Corlietha Swart (voorsitter van die Bloemfonteinse Skrywersvereniging), mev. Irma Joubert (skrywer en BSV-Slypskoolaanbieder 2011) en mev. Elize Zeeman-Olivier (eerstepryswenner van afdeling B, al die pad uit .”sGravenzande, Nederland).

Foto: Lize du Plessis, Volksblad

Beurshouers

Beurshouers en borge van die landswye BSV Slypskool en Skryfwedstryd 2011: v.l.n.r. mej. Anri Bredenkamp (reklamebeampte: Fakulteit Geesteswetenskappe van die Universiteit van die Vrystaat, mev. Mpho Mmusi (beurshouer en student: UV), mej. Corlietha Swart (Voorsitter: Bloemfonteinse Skrywersvereniging en dosent: UV), mev. Irma Joubert (skrywer en BSV-Slypskoolaanbieder 2011), mnr. Hannes Welgemoed (beurshouer: 2011) en prof. Lucius Botes (dekaan: Fakulteit Geesteswetenskappe, Universiteit van die Vrystaat en borg van die landswye BSV-Skryfwedstryd).

Fotograaf: Lize du Plessis

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s