BSV publikasies nou te koop!

Vars vanaf die drukkers, is beide ons Ledebundel, Bloemskryfsels 2014 en Inkvars 2014 wat die Wenners van ons jaarlikse skryfkompetisie se weninskrywings bevat! Vir bestellings kontak Lelani by bloemsv@gmail.com.

 

Bloemskryfsels 2014
R80 per boekie
Inkvars 2014
R80 per boekie

 

 

 

Slypskool 2014

Die Bloemfonteinse Skrywersvereniging se Slypskool vir Ontluikende Skrywers geborg deur Afriforum is op 23 Augustus 2014 in Bloemfontein deur die gewilde spanningsromanskrywer en manuskripkeurder by Lapa, Chanette Paul, aangebied. Slypskoolgangers vanoor die hele land het dié geleentheid bygewoon en wenners van die Nasionale BSV-Skryfwedstryd, geborg deur die Fakulteit Geesteswetenskappe van die UV, is ook tydens hierdie geleentheid vereer.

 

DSC01496
Hier is die bestuur van die Bloemfonteinse Skrywersvereniging in ligte luim saam met skrywer en manuskripkeurder by Lapa, Chanette Paul na afloop van die BSV-Slypskool (geborg deur Afriforum) wat deur slypskoolgangers vanoor die hele land, asook die pryswenners van die landswye skryfwedstryd (geborg deur die Fakulteit Geesteswetenskappe van die UV), bygewoon is. Van links na regs, dr. Douwlina du Plessis (ondervoorsitter van die BSV), Lelani Fourie (sekretaresse/ penningmeester), Corlietha Swart (voorsitter van die BSV), Chanette Paul (skrywer/ keurder en BSV-slypskoolaanbieder 2014), Joe Mynhardt (bestuurslid) en Ronelle Meyer (bestuurslid).
DSC01446
Die Bloemfonteinse Skrywersvereniging het Saterdag, 23 Augustus 2014 hul jaarlikse BSV- Slypskool vir Ontluikende Skrywers o.l.v. Chanette Paul gehou. Tydens hierdie geleentheid is die wenners van die Nasionale BSV-Skryfwedstryd, geborg deur die Fakulteit Geesteswetenskappe van die Universiteit van die Vrystaat, wat vanoor die hele land na Bloemfontein gekom het vir die geleentheid, bekroon. Voor, van links na regs is prof. Dave Lubbe (beoordelaar en UV-verteenwoordiger), Corlietha Swart (voorsitter van die BSV en ook UV-verteenwoordiger) en Meisie Smits (moeder van Ope: poësiewenner, Hilda Smits van Nashville, VSA). Middel, van links na regs: Izel van Zyl (Skole: Prosa, eervol vermeld, Oranje Meisieskool), Marize Meyer (Skole: Prosa 3de plek, Oranje Meisieskool), Jemima Meyer (Skole: poësie, 1ste plek, Hoërskool Jim Fouché), Handré Jankowitch (Skole: poësie, 2de plek, Hoërskool Jim Fouché), Karen van Vuuren (Woodland Hills, Ope: Poësie, 2de plek), Elize Hoffman (Skole: poësie, Aanmoedigingsprys, Universitas Primêr). Agter, van links na regs: Fred Charly (Ope: ongepubliseerdes, 2de plek, Lichtenburg), Jan Beyers (Ope: ongepubliseerdes, 1ste plek en eervolle vermelding, Bloemfontein), Coen Basson (Ope: Gepubliseerdes, Eervol vermeld, Oudtshoorn) en Leunis van Rooyen (Ope: Poësie, Eervol vermeld, Brixton). Die ses skole-wenners van Hoërskool D.F. Malan, Elize Zeeman Olivier van ‘sGravenzande, Nederland en dr. Dunes van der Merwe van die Strand kon nie die verrigtinge bywoon nie.
    Hier is Corlietha Swart, voorsitter van die BSV by prof Dave Lubbe, beoordelaar en UV-verteenwoordiger, Chanette Paul (skrywer, keurder en slypskoolaanbieder) en Jacques Louw, BSV-Beurshouer vir 2014
Hier is Corlietha Swart, voorsitter van die BSV by prof Dave Lubbe, beoordelaar en UV-verteenwoordiger, Chanette Paul (skrywer, keurder en slypskoolaanbieder) en Jacques Louw, BSV-Beurshouer vir 2014

Mediavrystelling – Slypskool 2014

Die Bloemfonteinse Skrywersvereniging se jaarlikse nasionale BSV-Slypskool 2014 vanjaar met Chanette Paul!

 (deur Corlietha Swart)

Wil u graag in die kop van ’n suksesvolle skrywer en uitgewer klim? Chanette Paul is kundig oor beide! Die Bloemfonteinse Skrywersvereniging bied vanjaar in samewerking met Afriforum op Saterdag, 23 Augustus 2014 om 8:00 – 15h00 in die Noorderbloem-Aftree-oordsaal in Metzstraat, Bayswater, Bloemfontein die jaarlikse BSV Slypskool vir ontluikende skrywers aan onder leiding van die gewilde spanningsromanskrywer, Chanette Paul. Sy gaan fokus op interessante temas, soos: “Afrikaanse Ontspanningsfiksie sedert 1995, skryftegniese vaardighede en stylelemente, die kernverhaallyn, plot en storie, fokalisering wat nie ’n vloekwoord is nie, karakters wat nie zombies wil wees nie, al is hulle en skryf en herskryf voor die eindproduk,” ens. Die koste vir die slypskool, middagete, skryfbehoeftes en verversings ingesluit, is R300 vir die publiek en ‘n spesiale goedkoper tarief vir BSV-lede, ook diegene wat as lede op slypskooldag aansluit. Volgens Corlietha Swart, voorsitter van die Bloemfonteinse Skrywersvereniging, kan slegs 80 slypskoolgangers geakkommodeer word en is meer as die helfte van die plekke reeds opgeraap. Al die wenners van die BSV se landswye skryfwedstryd en een BSV-beurshouer gaan ook die slypskool gratis bywoon en die prysoorhandiging van die wenners van die landswye BSV Skryfwedstryd, Skrywers 2014, geborg deur die Fakulteit Geesteswetenskappe van die UV, vind tydens dié geleentheid plaas. Uittreksels uit die weninskrywings word dan ook voorgelees en die publikasie, Inkvars 2014, met die weninskrywings en beoordelaarsverslae, word tydens dié geleentheid bekendgestel. Protea-Boeke sal ook tydens die slypskool boeke oor kreatiewe skryfwerk uitstal. Die BSV borg jaarlikse ’n belowende skrywer wat nie die slypskool kan bekostig nie, om die betrokke jaar se Slypskool gratis by te woon. Indien u enige kandidaat wil nomineer, voorsien ons asb. van die naam, omstandighede en volle besonderhede, tesame met ’n voorbeeld van sy/ haar skryfwerk vir beoordeling. Om iemand te nomineer vir die skryfbeurs, of om die laaste beskikbare slypskoolplekke op te raap, kontak ons asb. so spoedig moontlik by 0733883377, of stuur ‘n e-pos na bloemsv@gmail.com

 

Addisionele inligting

CHANETTE PAUL woon in ʼn skewerige huisie op die oewer van die Kleine Rivier in die Overbergse dorpie Stanford waar sy met allerlei storiedinge bedrywig is, haar kat probeer vlooiloos hou en bederf word deur Blom, die man in haar lewe. Sy hou daarvan om walvisse in naburige kusdorpe dop te hou en hoop sy sien eendag ʼn meermin.

Haar eerste verhaal waarvoor sy betaling ontvang het, is ’n sprokie wat sy op sestienjarige ouderdom geskryf het en op Siembamba voorgelees is. Die tweede, ’n kortverhaal, is in haar universiteitsjare in Huisgenoot gepubliseer. Sedert 1995 het ʼn verskeidenheid verhale en humoristiese artikels in tydskrifte verskyn asook agtien romanses. Vir haar debuutromanse ontvang sy Perskor se prys vir beste romantiese fiksie. Sy skryf ook drie ernstiger romans en in 1999 en 2006 is Wip van die droomvanger en Leila word lig onderskeidelik op die kortlys vir die ATKV-Prosaprys.

Sy verwerf egter eers bekendheid met haar twee reekse, naamlik die sewe historiese liefdesromans genaamd die Davelvroue-reeks, en vyf romantiese spanningsromans wat in die volksmond bekend staan as die Gys Niemand-reeks. Boheem, die derde boek in dié reeks is ’n finalis vir die 2010 ATKV-Woordveertjie in die kategorie, Spanningsromans.

Hierna volg die Maanschijnbaai-tweeluik wat saam ʼn humoristiese familieroman vorm. Die tweeluik is ʼn finalis vir die 2013 ATKV-Woordveertjie in die Liefdesroman-kategorie. Die eerste boek in die tweeluik, Jo & Sue, is ook deur lesers aangewys as Lapa se 2012 Lekkerlit Boek van die Jaar.

Hierna keer Chanette terug na spanningsromans, dié keer in heel ander gedaante as voorheen. Labirintverskyn 2012, Siende blind in 2013 (aangewys as Lekkerlit Boek van die Jaar 2013) en Raaiselspieël in Maart 2014.

Ewebeeld word in November verwag. Dis weer eens ʼn spanningsroman en Chanette se 40ste boek en 10de spanningsroman.

Slypskool 2014

 

Die Bloemfonteinse skrywersvereniging se jaarlikse slypskool word hierdie jaar op 23 Augustus 2014 deur Chanette Paul aangebied. Chanette is vir die laaste twee jaar aangewys was die Lekkerlit-skrywer van die jaar.

 

DSC01446
Die Bloemfonteinse Skrywersvereniging het Saterdag, 23 Augustus 2014 hul jaarlikse BSV- Slypskool vir Ontluikende Skrywers o.l.v. Chanette Paul gehou. Tydens hierdie geleentheid is die wenners van die Nasionale BSV-Skryfwedstryd, geborg deur die Fakulteit Geesteswetenskappe van die Universiteit van die Vrystaat, wat vanoor die hele land na Bloemfontein gekom het vir die geleentheid, bekroon. Voor, van links na regs is prof. Dave Lubbe (beoordelaar en UV-verteenwoordiger), Corlietha Swart (voorsitter van die BSV en ook UV-verteenwoordiger) en Meisie Smits (moeder van Ope: poësiewenner, Hilda Smits van Nashville, VSA). Middel, van links na regs: Izel van Zyl (Skole: Prosa, eervol vermeld, Oranje Meisieskool), Marize Meyer (Skole: Prosa 3de plek, Oranje Meisieskool), Jemima Meyer (Skole: poësie, 1ste plek, Hoërskool Jim Fouché), Handré Jankowitch (Skole: poësie, 2de plek, Hoërskool Jim Fouché), Karen van Vuuren (Woodland Hills, Ope: Poësie, 2de plek), Elize Hoffman (Skole: poësie, Aanmoedigingsprys, Universitas Primêr). Agter, van links na regs: Fred Charly (Ope: ongepubliseerdes, 2de plek, Lichtenburg), Jan Beyers (Ope: ongepubliseerdes, 1ste plek en eervolle vermelding, Bloemfontein), Coen Basson (Ope: Gepubliseerdes, Eervol vermeld, Oudtshoorn) en Leunis van Rooyen (Ope: Poësie, Eervol vermeld, Brixton). Die ses skole-wenners van Hoërskool D.F. Malan, Elize Zeeman Olivier van ‘sGravenzande, Nederland en dr. Dunes van der Merwe van die Strand kon nie die verrigtinge bywoon nie.

 

Hier is Corlietha Swart, voorsitter van die BSV by prof Dave Lubbe, beoordelaar en UV-verteenwoordiger, Chanette Paul (skrywer, keurder en slypskoolaanbieder) en Jacques Louw, BSV-Beurshouer vir 2014
Hier is Corlietha Swart, voorsitter van die BSV by prof Dave Lubbe, beoordelaar en UV-verteenwoordiger, Chanette Paul (skrywer, keurder en slypskoolaanbieder) en Jacques Louw, BSV-Beurshouer vir 2014

Slypskool 2014

Die Bloemfonteinse skrywersvereniging se jaarlikse slypskool word hierdie jaar op 23 Augustus 2014 deur Chanette Paul aangebied. Chanette is vir die laaste twee jaar aangewys was die Lekkerlit-skrywer van die jaar.Chanette Paul

Die koste vir die slypskool is R300 vir nie-lede en R160 vir BSV-lede. Om te bespreek stuur ‘n e-pos aan Lelani Fourie by bloemsv@gmail.com of kontak haar by 0733883377.

Meer oor Chanette;

Chanette Paul word rond en bont groot. Haar eerste skryfsukses kom op sestien, naamlik ’n sprokie wat op Siembamba voorgelees is, en in haar universiteitsjare word ’n kortverhaal in Huisgenoot gepubliseer. Eers twintig jaar later, gee sy weer aandag aan haar skryfwerk. Sedertdien is ’n verskeidenheid verhale en humorartikels, en vier en dertig boeke gepubliseer. Benewens ’n MA-graad in Afrikaanse en Nederlandse Letterkunde (1988), verwerf sy ook in 2003 ’n MA-graad in Skeppende Skryfwerk onder leiding van prof. Etienne van Heerden. Vir haar debuutromanse ontvang sy Perskor se prys vir beste romantiese fiksie. In 1999 en 2006 is Wip van die droomvanger en Leila word lig onderskeidelik finaliste vir die ATKV-Prosaprys, en in 2010 is die derde Gys Niemand-boek, Boheem, finalis vir die ATKV se Woordveertjies in die spanningsromankategorie. Met die eerste in die Gys Niemand-reeks, Springgety, betree Chanette die spanningsmark in alles erns en dit bring ’n waterskeiding in haar skryfwerk mee. Dis nie die eerste keer dat sy haar in ’n nuwe genre begewe nie, maar die skryf van spanningsromans was ’n ingrypende koersverandering. Chanette woon die afgelope paar jaar in die Overberg waar sy met allerlei storiedinge bedrywig is. Besoek haar webwerf by http://www.chanettepaul.co.za en gesels met haar op haar blog: http://chanettepaul.wordpress.com

Wenners van Skrywers 2014

Wenners van Nasionale Skryfwedstryd van Die Bloemfonteinse Skrywersvereniging, Skrywers 2014, bekend gemaak

Die Bloemfonteinse Skrywersvereniging (BSV) se jaarlikse nasionale skryfwedstryd, vanjaar weer geborg deur die Fakulteit Geesteswetenskappe van die Universiteit van die Vrystaat en gedeeltelik geadministreer deur die Nasionale Afrikaanse Letterkundige Museum en Navorsingsentrum (Naln), het weer vanjaar honderde inskrywings uit alle provinsies van Suid-Afrika en van oorsee opgelewer Volgens Corlietha Swart, voorsitter van die Bloemfonteinse Skrywersvereniging (BSV), is dit weer eens ’n bewys dat hierdie gevestigde skryfwedstryd ’n nasionale (en selfs internasionale) profiel toon en ’n baie belangrike bydrae lewer tot ’n belangstelling in kreatiewe skryfkuns in Afrikaans onder oud en jonk. Die BSV kan met trots terugkyk na ’n hele lys gerekende en bekroonde skrywers wie se sluimerende skryftalent aanvanklik deur die BSV-skryfwedstryd uitgewys en daarna met ’n slypskool ontwikkel is.

 

Altesaam R15 000 se pryse is vanjaar deur die Fakulteit Geesteswetenskappe van die UV uitgeloof en vyf BSV-wisseltrofeë vir skole was op die spel. Hoërskool D.F. Malan het vanjaar vier wisseltrofeë, asook die prys vir die skool met die meeste inskrywings, ingepalm – ’n jarelange rekord waarop hul trots is en wat moeilik deur ander skole geëwenaar gaan word. Hoërskool Jim Fouché het die Poësie Skoletrofee ingepalm met ’n eerste en tweede plek in poësie. Heel ongewoon was ’n aanmoedigingsprys vir ’n laerskoolleerder, 12 jaar oud, van Universitas Primêr wat teen hoërskoolleerders deelgeneem het.

Al die bekroonde inskrywings en ook die beoordelaarsverslae sal in Inkvars 2014 gebundel word en op 23 Augustus 2014 uitgereik word wanneer die pryse op die BSV se jaarlikse Slypskool vir Ontluikende Skrywers, geborg deur Afriforum, by die Noorderbloemsaal in Bloemfontein oorhandig word. Benewens die prysgeld en trofeë, kan die skryfwedstrydwenners ’n daglange slypskool onder leiding van Chanette Paul, wat nie net Lapa-uitgewers se gewildste Lekkerlitskrywer is nie, maar ook vanuit ’n uitgewersperspektief kan praat, as deel van hul prys gratis bywoon. Beskikbare plekke vir die publiek is alreeds besig om vinnig minder te word. Belangstellendes wat die slypskool teen R300 wil bywoon (BSV-lede betaal R160), of Inkvars 2014 teen R80 per eksemplaar wil aanskaf, kan Lelani Fourie (BSV-sekretaresse) by bloemsv@gmail.com, of sel. 0733883377 kontak.

 

Wenners van die BSV se “Skrywers 2014” is:

SKOLE-AFDELING (A):

JUNIOR AFDELING (gr. 8 en 9)

1ste (R1200) en trofee: Christi Barkema, gr. 9, Hoërskool D.F. Malan, Bellville.

2de (R700):                  Dominic Roux, gr. 9, Hoërskool D.F. Malan, Bellville.

3de (R400):                   Marize Meyer, gr. 9, Oranje Meisieskool, Bloemfontein.

Eervol vermeld:            Izel van Zyl, gr. 9, Oranje Meisieskool, Bloemfontein.

 

SENIOR AFDELING (gr. 10 – 12)

1ste (R1 400) en trofee: Carli Blignaut, gr. 12, Hoërskool D.F. Malan, Bellville.

2de (R800):                    Zanré van Staden, gr. 11, Hoërskool D.F. Malan, Bellville.

3de (R500):                    Simònn Meyer gr. 11, Hoërskool D.F. Malan, Bellville.

Eervol vermeld:            Anneke Tucker, gr. 10, Hoërskool D.F. Malan, Bellville.

 

ALGEHELE SKOLE-PROSAWENNER: Carli Blignaut, gr. 12, Hoërskool D.F. Malan, Bellville.

 

OPE AFDELING DS (Poësie Skole):

1ste (R1 400) en trofee: Jemima Meyer, gr. 11, Hoërskool Jim Fouché, Bloemfontein.

2de (R700):                    Handré Jankowitz, gr. 10, Hoërskool Jim Fouché, Bloemfontein.

Aanmoedigingsprys:      Elize Hoffman, 12-jarige, Universitas Primêr, Bloemfontein.

 

OPE AFDELING B (Nog nie voorheen gepubliseer teen vergoeding nie):

1ste (R1400) en trofee: Jan Beyers, Dan Pienaar, Bloemfontein.

2 de (R800):                 Fred Charly, Lichtenburg.

Eervol vermeld:            Jan Beyers, Dan Pienaar, Bloemfontein.

 

OPE AFDELING C (Voorheen gepubliseer teen vergoeding):

1ste (R1 400) en trofee: Mev. Elize Zeeman-Olivier, ‘sGravenzande, Nederland.

2de (R800):                   Dr. Dunes van der Merwe, Strand.

Eervol vermeld:            Mnr. Coen Basson, Oudtshoorn.

 

OPE AFDELING D (Poësie):

1ste (R1 400) en trofee: Mev. Hilda A. Smits, Nashville, VSA.

2de (R800):                    Me. Karen van Vuuren, Woodland Hills, Bloemfontein.

Eervol vermeld:            Mnr. Leunis van Rooyen, Brixton.

 

TROFEË:

HAUM-Literêr-trofee vir skool van wenner in Junior Afdeling: Hoërskool D.F. Malan, Bellville.

Olivier-wisseltrofee vir skool van wenner in Senior Afdeling: Hoërskool D.F. Malan, Bellville.

Gerhard Beukes-wisseltrofee vir skool van algehele skolewenner: Hoërskool D.F. Malan, Bellville.

Vrystaat-wisseltrofee vir skool met meeste inskrywings (plus R1 000): Hoërskool D.F. Malan, Bellville.

Poësie Skoletrofee vir skool van wenner in poësie: Hoërskool Jim Fouché, Bloemfontein.

Wisseltrofeë vir die drie Ope-afdelings word ook aan individuele eerstepryswenners toegeken.

Skrywers 2014 – Temas

Vanjaar is weer geen uitsondering nie – daar is weer ‘n paar wonderlike temas om die gedagtes op loop te sit en die vingers sommer kriewelrig te maak om te skryf!

Skryf ‘n kortverhaal, kort-kortverhaal, skets of opstel oor enige of sommer al die onderwerpe! Daar is tot onderwerpe vir gedigte wat so reg in elkeen se kraal sal pas!  Vir meer inligting rondom die kompetisie asook die inskrywingsvorms stuur ‘n e-pos aan bloemsv@gmail.com

Hier is ons temas vir 2014:

SKOLE: JUNIORS (Gr.8 en 9)
‘n Titseltjie towerkrag.
‘n Hond met ‘n humorsin.
Geraamte(s).
Het jy die nuwe onnie gesien?!
Maanlanding 2025.
Die vreemde skool.

SKOLE: SENIORS (Gr.10 tot 12)
Aangenome kind.
Stad onder die see.
Die plaashuisspook.
Van watter planeet?!
Is jy méns, of masjien?
Op die bloedspoor…

OPE: Afdeling B: Ongepubliseerde Skrywers
Moord agter die koraalrif.
Die legende van die eenarmbobbejaan.
‘n Onvergeetlike reünie.
‘n Kriminele brein.
‘n Skeepskaptein se joernaal.
‘n Kerskaartjie na vyf jaar.

OPE: Afdeling C: Gepubliseerde Skrywers (Skrywers wat al teen vergoeding gepubliseer het)
Die graf binne die klipkraal.
Toer deur die Heilige Land.
Ruïne.
Tussen daisies in Namakwaland.
Haar wit serp.
Ek was ‘n moordenaar…

Afdeling D en DS : OPE: Poësie en SKOLE: Poësie
Eie keuse.
Droogte.
Angs.
Lugkastele.
Hekke.
Bomskok.

Chanette Paul Slypskool

Chanette Paul Die Bloemfonteinse skrywersvereniging se jaarlikse slypskool word hierdie jaar op 23 Augustus 2014 deur Chanette Paul aangebied. Chanette is vir die laaste twee jaar aangewys was die Lekkerlit-skrywer van die jaar.

Om te bespreek stuur ‘n e-pos aan Lelani Fourie by bloemsv@gmail.com of kontak haar by 0733883377.

Meer oor Chanette;

Chanette Paul word rond en bont groot. Haar eerste skryfsukses kom op sestien, naamlik ’n sprokie wat op Siembamba voorgelees is, en in haar universiteitsjare word ’n kortverhaal in Huisgenoot gepubliseer. Eers twintig jaar later, gee sy weer aandag aan haar skryfwerk. Sedertdien is ’n verskeidenheid verhale en humorartikels, en vier en dertig boeke gepubliseer. Benewens ’n MA-graad in Afrikaanse en Nederlandse Letterkunde (1988), verwerf sy ook in 2003 ’n MA-graad in Skeppende Skryfwerk onder leiding van prof. Etienne van Heerden. Vir haar debuutromanse ontvang sy Perskor se prys vir beste romantiese fiksie. In 1999 en 2006 is Wip van die droomvanger en Leila word lig onderskeidelik finaliste vir die ATKV-Prosaprys, en in 2010 is die derde Gys Niemand-boek, Boheem, finalis vir die ATKV se Woordveertjies in die spanningsromankategorie. Met die eerste in die Gys Niemand-reeks, Springgety, betree Chanette die spanningsmark in alles erns en dit bring ’n waterskeiding in haar skryfwerk mee. Dis nie die eerste keer dat sy haar in ’n nuwe genre begewe nie, maar die skryf van spanningsromans was ’n ingrypende koersverandering. Chanette woon die afgelope paar jaar in die Overberg waar sy met allerlei storiedinge bedrywig is. Besoek haar webwerf by http://www.chanettepaul.co.za en gesels met haar op haar blog: http://chanettepaul.wordpress.com